Popular Bible Verses from सभोपदेशक 1

Share

किजोकि जादे अक्ली सेइं दुख भी भोते, ते ज़ै अपनु ज्ञान बद्धाते तै अपनो दुख भी बद्धाते।

ज़ैन किछ भोतू एवरू आहे, तैन्ने फिरी भोनूए, ते ज़ैन किछ बेनि जेवरूए, तैन्ने फिरी बनावं गालू; ते दुनियाई मां कोई चीज़ नंव्वी नईं।

सैरी गल्‍लां मेहनती सेइं भरपूरन, मैन्हु एस बियान न केरि सके, न त एछ़्छ़ी लहंने सेइं रज़्ज़न, ते न कन शुन्ने सेइं भेरोन।

उपदेश देनेबालेरू इन वचने, “बेकारे-बेकारे, बेकारे-बेकारे! सब किछ बेकारे।” तैस सैरी मेहनती सेइं ज़ै मैन्हु दुनियाई मां केरते, तैस कुन फैइदो भोते?

मीं तैना सब कम्मां लहां ज़ैना दुनियाई मां कियां गातन, हेरा एन सब किछ बेकार ते हवा ट्लांनेरू ज़ेरू आहे।

अक पीढ़ी गाचे, ते होरि पीढ़ी एइचे, पन ज़मीन हमेशा बनोरी रहचे।

पुराने ज़मानेरी गल्‍लां केरे बारे मां किछ भी याद नईं राहोरू, ते भोने बैली गल्‍लां केरि याद भी तैन केरे बाद भोने बालन याद न राहेली।

ते मीं अपनो मन लाव कि अवं अक्लरो भेद नेही ते बावलेपन ते बेवकूफी भी ज़ैनी सेखी। मीं बुज़्झ़ी छ़डू कि एन भी हवा ट्लांनेरू ज़ेरू आहे।