Popular Bible Verses from 2 कुरिन्थियों 4

Share

ते अस त लाहोरी चीज़न नईं पन अलैई चीज़न लहते रहतम, किजोकि लाहोरी चीज़ां थोड़े दिहाड़ां केरे लेई आन, पन अलैई चीज़ां हमेशारे लेई आन।

एल्हेरेलेइ अस दिलेरी न शारम; अगर इश्शी बेइरीं इन्सानयत नाश भी भोए, त फिरी भी इश्शी एंत्रीं इन्सानयत रोज़ नव्वीं भोती रहतीए। किजोकि इश्शो एक्‍की पलेरो थोड़ो ज़ेरो दुख बड़ी ते हमेशारी महिमा पैदा केरते, ज़ेसेरी तुलना केन्ची सेइं न केरोए।

अस च़ेवरे पासना दुख त झ़ैल्‍लतम, पन मुश्किली मां न पेम; घबरातम, पन न उमीद न भोम। सताए त गातम, पन शारे न गाम, बिछ़ोड़ त गातम पन नाश न भोम।

पन अस मित्तरे भांडां केरे ज़ेरेम ज़ैन मां धन रखेरूए, कि ई हछ्छी शक्ति इश्शे तरफां नईं, बल्के परमेशरेरे तरफां भोए।

ते तैन विश्वास न केरनेबालां केरे लेई, ज़ैन केरि अक्ल इस दुनियारे ईश्वर शैताने कानी कियोरीए, ताके मसीह ज़ै परमेशरेरू रूपे, तैसेरी महिमा खुशखेबरारी लौ तैन पुड़ न चमके।

एल्हेरेलेइ कि परमेशर तैए ज़ैनी ज़ोवं, “कि आंधरे मरां लौ चमके,” ते परमेशरे इश्शे दिलन मां लौअरी ज़ेरि समझ़ दित्ती, कि अस परमेशरेरी महिमा पिशानम ज़ै यीशु मसीह मां लेइहोई।