Popular Bible Verses from 1 कुरिन्थियों 6

Share

कुन तुस न ज़ानथ, कि तुश्शी जान पवित्र आत्मारू मन्दरे; ज़ै तुसन मां आहे, ते तुसन परमेशरेरी तरफां मैल्होरोए? ते तुस अपने नईं पन तुस परमेशरेरे आथ; किजोकि प्रभुए अपनि जानरी कीमत देइतां तुस घिनोरेथ, एल्हेरेलेइ अपने जानरे ज़िरिये सेइं परमेशरेरी आदर केरा।

कुन तुस न ज़ानथ, कि अन्यायी लोक, परमेशरेरे राज़्ज़ेरे बारस नईं भोने? धोखो न खाथ, न वेश्यागामी, न मूरती केरि पूज़ा केरनेबाले, न आयाश, न लुच्‍चे, न तैना ज़ैना मड़द मड़दन सेइं जिसमानी रिश्तो रखतन। न च़ोर, न लालच़ी, न पीनेबाले, न गैई देनेबाले, न अंधेर केरनेबाले परमेशरेरे राज़्ज़ेरे बारस भोनेन।

बदमाशी केरने करां दूर राथ, ज़ेत्रे होरे पाप मैन्हु केरते, तैना जानरे बेइरन, पन बदमाशी केरनेबालो अपने जानरे खलाफ पाप केरते।

तुसन मरां किछ ज़ोई बटतन, कि सब चीज़ां मेरे लेई जाइज़ त आन, पन सब चीज़ां फैइदेरी नईं, सब चीज़ां मेरे लेई जाइज़ त आन, पन अवं कोन्ची भी चीज़रो गुलाम बनेलो।

ते परमेशरे, प्रभु यीशु अपने शेक्ति सेइं ज़ींतो केरो, ते तै असन भी ज़ींतो केरेलो।