Popular Bible Verses from 1 कुरिन्थियों 3

Share

कुन तुस न ज़ानथ, कि तुस परमेशरेरू मन्दरथ, ते परमेशरेरो आत्मा तुसन मां रहते?

किजोकि यीशु मसीह सच़्च़ी बुनीयादे, ते होरो कोई होरि बुनीयाद न बनेइ सके, तैन इन आहे, कोई तुसन मुक्ति हासिल केरनेरे लेई नव्वीं शिक्षा न शिखैली बटे, मीं तुसन सेइं पेइलू ज़ोवरू कि परमेशर असन यीशु मसीहेरे ज़िरिये मुक्ति देते।

एल्हेरेलेइ न त लानेबालो किछे, ते न सग्गने बालो किछे, पन परमेशर ज़ै बडाने बालोए।

किजोकि अस परमेशरे सेइं साथी कम केरनेबाले आम, तुस एरे ऊडारां केरे ज़ेरे आथ ज़ैन केरो तलक परमेशरे सेइं आहे, ते इसेरे अलावा तुश्शी तुलना एरे घरे सेइं केरताईं ज़ैन परमेशरे बनावरूए।

ज़ैखन मसीह फिरी वापस एज्जेलो, त अग हर एक्‍केरे कम्मे परखेली, ते अग हर मैन्हेरे कम्मेरी कीमत हिराली।

लानेबालो ते सग्गने बालो दूईये अक आन; पन हर मैन्हु अपने-अपने मज़दूरारो फल मैलनोए।

कोई अपने आपे धोखो न दे, अगर तुसन मरां कोई इस दुनियारे लोकन मां अपनो आप अक्लमन्द समझ़े, त तैस दुनियारी नज़री मां बेवकूफ बनोरू लोड़े; ताके परमेशरेरे नज़री मां सच़्च़े ज्ञानी बने।