Popular Bible Verses from नहेम्याह 9

Share

“पर उननै अर म्हारे पुरखां नै अभिमान करया, अर हठीले बणे अर तेरे हुकम न्ही मान्‍ने; अर हुकम मानण तै इन्कार करया, अर जो चमत्कार तन्‍नै उनकै बीच म्ह करे थे, उन ताहीं याद न्ही करया, बल्के हठ करकै उरै ताहीं बलवा करण आळे बणे, के एक प्रधान ठहराया, के अपणे गुलाम्मी की दशा म्ह बोहड़ै। पर तू माफ करण आळा अनुग्रहकारी अर दयालु, देरी तै छो करण आळा, अर घणा करुणामय परमेसवर सै, तन्‍नै उन ताहीं ना छोड्या।

“तू ए एक यहोवा सै; सुर्ग बल्के सबतै ऊँच्‍चे सुर्ग अर उसके सारे गण, अर धरती अर जो किमे उस म्ह सै, अर समुन्दर अर जो किमे उस म्ह सै, सारा तन्‍नै ए बणाया, अर सारे की हिफाजत तू ए करै सै; अर सुर्ग की सारी सेना तन्‍नैए दण्डवत करै सैं।

फेर भी तू जो घणा दयालु सै, उन ताहीं जंगळ म्ह ना छोड्या; ना तो दिन म्ह अगुवाई करण आळा बाद्दळ का खम्बा उनपै तै हट्या, अर ना रात म्ह उजियाळा देण आळा अर उननै रास्ता दिखाण आळा आग का खम्बा। बल्के तन्‍नै उन ताहीं समझाण खात्तर अपणी आत्मा ताहीं जो भला सै दिया, अर अपणा मन्‍ना उन ताहीं खुवाणा ना छोड्या, अर उनकी प्यास बुझाण नै पाणी देन्दा रह्या। चाळीस साल ताहीं तू जंगळ म्ह उनका इसा पालन-पोषण करदा रह्या, के उननै किमे घटी ना होई; ना तो उनके कपड़े पुराणे होए अर ना उनके पैरां म्ह सूजन आई।