Popular Bible Verses from यिर्मयाह 31

Share

“यहोवा नै मेरे ताहीं पिछले बखत म्ह दर्शन देकै कह्या सै। मै तेरै तै सदा प्यार राखदा आया सूं; इस कारण मन्‍नै तेरै पै अपणी करुणा बणाए राक्खी सै।

क्यूँके मन्‍नै थके होए माणसां का प्राण तृप्त करया, अर उदास माणसां के प्राण ताहीं भर दिया सै।”

पर जो करार मै उन दिनां कै बाद इस्राएल के घराने तै करुँगा, वो यो सै: मै अपणे नियम-कायदे उनकै मन म्ह समाऊँगा, अर उसनै उनके हृदय पै लिक्खूँगा; अर मै उनका परमेसवर ठहरूँगा, अर वे मेरी प्रजा ठैहरैगें, यहोवा की या वाणी सै। अर तब उननै फेर एक दुसरे तै न्यू न्ही कहणा पड़ैगा के यहोवा नै जाणो, क्यूँके, यहोवा की या वाणी सै के छोट्टे तै लेकै बड़े ताहीं, सारे के सारे मेरा ज्ञान राक्खैगें; क्यूँके मै उनका अधर्म माफ करुँगा, अर उनका पाप फेर याद ना करुँगा।”

“फेर यहोवा की या भी वाणी सै, सुण, इसे दिन आण आळे सैं जिब मै इस्राएल अर यहूदा के घरान्यां तै नया करार करुँगा। वो उस करार की तरियां ना होवैगा जो मन्‍नै उनके पुरखां तै उस बखत करया था जिब मै उनका हाथ पकड़कै उननै मिस्र देश तै लिकाड़ ल्याया, क्यूँके जै मै उनका पति था, तोभी उननै मेरा वो करार तोड़ दिया।