Popular Bible Verses from यिर्मयाह 18

Share

“हे इस्राएल के घराने, यहोवा की या वाणी सै के इस कुम्हार की तरियां थारे गैल के मै भी काम न्ही कर सकदा? देख, जिस तरियां माट्टी कुम्हार कै हाथ म्ह रहवै सै, उसे तरियां ए हे इस्राएल के घराने, थम भी मेरे हाथ म्ह सो।

जिब मै किसे जात्ति या राज्य कै बारे म्ह कहूँ के उसनै उखाड़ूँगा या ढ़ा देऊँगा या नाश करुँगा, फेर जै उस जात्ति के माणस जिसकै बारै म्ह मन्‍नै यो बात कही हो अपणी बुराई तै फिरैं, तो मै उस विपत्ति कै बारै म्ह जो मन्‍नै उनपै गेरण खात्तर ठाण्या हो पछताऊँगा।

अर जिब मै किसे जात्ति या राज्य कै बारै म्ह कहूँ के मै उसनै बणाऊँगा अर मजबूत करुँगा; फेर जै वे उस काम नै करै जो मेरी नजर म्ह बुरा सै अर मेरी बात ना मान्‍नै, तो मै उस भलाई कै बारै म्ह जिस ताहीं मन्‍नै उनके खात्तर करण नै कह्या हो, पछताऊँगा।