Popular Bible Verses from न्यायियों 6

Share

उस ताहीं यहोवा के दूत नै दर्शन देकै कह्या, “हे शूरवीर सूरमा, यहोवा तेरे गैल सै।”

फेर यहोवा नै उसपै निगांह करकै कह्या, “अपणी इसे शक्ति के जोर पै जा अर तू इस्राएलियाँ नै मिद्यानियाँ के हाथ तै छुड़ावैगा; के मन्‍नै तेरे ताहीं न्ही भेज्या?”

यहोवा नै उसतै कह्या, “पक्‍का मै तेरे गैल रहूँगा; सो तू मिद्यानियाँ नै इसा मार लेवैगा जिसा एक माणस नै।”

गिदोन नै उसतै कह्या, “हे मेरे प्रभु, मेरी बिनती सुण, जै यहोवा म्हारे गैल होन्दा, तो म्हारे पै यो सारी विपत्ति क्यूँ पड़दी? अर जितने आश्चर्यकर्म का बखान म्हारे बुजुर्ग न्यू कहकै करै थे, ‘के यहोवा हमनै मिस्र तै छुड़ा न्ही ल्याया,’ वे कित्त रहे? इब तो यहोवा नै म्हारे ताहीं त्याग दिया, अर मिद्यानियाँ कै हाथ कर दिया सै।”

उसनै कह्या, “हे मेरे प्रभु, बिनती सुण, मै इस्राएल नै किस तरियां छुड़ाऊँ? देख, मेरा कुल मनश्शे म्ह सबतै कंगाल सै, फेर मै अपणे पिता के कुण्बे म्ह सबतै छोट्टा सूं।”

फेर यहोवा का दूत आकै उस बांज दरखत कै तळै बैठ ग्या, जो ओप्रा म्ह अबीएजेरी योआश का था, अर योआश का बेट्टा गिदोन एक दाखरस के कुण्ड म्ह गेहूँ ज्यांतै झाड़ण लाग रह्या था के उस ताहीं मिद्यानियाँ तै छुपाकै राक्खै।

फेर गिदोन नै ओड़ै यहोवा की एक वेदी बणाकै उसका नाम, यहोवा शालोम धरया। वो आज कै दिन ताहीं अबीएजेरियाँ के ओप्रा म्ह बणी सै।

गिदोन नै उसतै कह्या, “जै तेरा अनुग्रह मेरे पै हो, तो मन्‍नै इसका कोए चिन्ह दिख्या के तू ए मेरे तै बात करण लाग रह्या सै।

यहोवा नै उसतै कह्या, “तन्‍नै शान्ति मिलै; मत डर, तू न्ही मरैगा।”

इस्राएलियाँ नै यहोवा की नजर म्ह फेर तै बुरा करया, ज्यांतै यहोवा नै उन ताहीं मिद्यानियाँ का गुलाम बणाकै सात साल तक राख्या।