Popular Bible Verses from Maatiyoosi 24

Share

Axaaxoo woddetaa, meeti asheenaꞌochi shuno aqqemmone. Tunetaa ciirooch beddaahaa manjiꞌi kupphemmo wodemmone.

Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Ginee koyoonaa ginee woroonon waayemmo ittoshine; tunetaa keqqiyaahote. Ebi tuno echeyaachemmone. Tunebaani yemeenee ciiro battiye.

Arooba ikke aageteexi asho bare aageteexi ashoona, ikke showeexi taatoo bare showeexi taatoona koyemmone; baribare xaaꞌoochoo shaacoo giyemmone; showee qewo tunemmone. Ebi bulli bi bekkiibeeto, batt maaxee xuuxee gimoniye.

Showoonaa shimaayoona beshemmone; tunebaani ta qaaro besheyaachemmone” iye.

Meetinaꞌo ‘Taane Kiristoosi’ getibee ta shigoona waaree meeti asheenaꞌon muriciyemminaꞌone.

“Arooba ittoshin xuuxiyemminaꞌoyich beshiiree immemminaꞌone; wuxemminaꞌone; ta naboyich aageteenaꞌo bulli ittoshin shixxemminaꞌone. Arooba meetinaꞌo taan qajjemminaꞌone; boonoshinaa boonoshina ikkoo ikkoon beshiiree immemmone; boonoshinaa boonoshina shixeyemminaꞌone. Meeti koote keemechinaꞌo tiyemminaꞌone; meetinaꞌonoo muriciyemminaꞌone.

Yesuusi wochiꞌi boonoshich ishichiye: “Asho koniyoona ittoshin bi muriciyaachemmoyich, ittoshi qelloon quyebote.

Ebich ittoshi wotta qanniree beebote. Ashi Bushoo ittoshi shalligaani saatooch woyemmone” iye.

“Illa ittoshi Doono amee aabooba bi woyemmo gaata ariyaachote. Ebich qaalliree quyebote.

Wotta Yesuusi ishichiye: “Tunetaa are aaboonaa are saatoonon Nihoo Yeeriyee damba koniyoona ariibeeto aalloone. Shimaajji maraakeenaꞌo tunebeeta, Yeerichi Busholla tuneba ariibeeto aalloone.

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Wonnee Noohi yemeenooba bi tunoommon, Ashi Bushoo womo ebiyoommon tunemmone. Arooba aalliyee aacoyee aaf Noohi markabooch bi giyimmi aabee wottoon asheenaꞌo maa uchiibee, shaaggii shaakkiibee beeheete. Aalliyee aaco waaꞌi asho bullin hidiꞌi bi aalliimmi wottoon boonoshi ariyee qayoommon, Ashi Bushoo womo wotta ebiyoommon tunemmone.