Popular Bible Verses from Halloo 49

Share

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

“Yooseefi aafee yuunjiti woyinoommone; aachi gashooch becheeti woyinee bechoommone; bi ateenaꞌo uxeree toommooch taheyemminaꞌone. Shangechinaꞌo giidoona bi toommooch tiyiyeete; biin shixxiꞌi ginoon awureheete.

Tunebaani ginoon manje bi kishoona yaaddiyemmone. Yaaqobi goyinneebeeti Giidechi Nuggishoo Yeerichi kishoona, Qiddoo, Israꞌeelichi Xaqqee Inderoo, Yeerina bi mochoo manjiye. Ne nihoo Nuggishoo, biyoo neen gaacheebeeti, Beshe Hakkechi Nuggishoo, damba shimaayoochee daneebeeti abbetoona, showee deshi duchoochee daneebeeti diiroona, bushiishoona, gijjoonoo neen diiremmone.

“Yihudo, ne maneenaꞌo neen naademminaꞌone; ne kishoo ne etteenaꞌochi qettoon cuuqqi yechemmone; ne maneenaꞌo ne aafooch guuferee neech goyinnemminaꞌone. Haano Yihudo, more daaheroommo neene; ta bushoocho, wuxaa maachaa wotteto neene. Daaheroochoommon quyehine; showoochoo tokketehine; maache daaherechoommonoo ciixehine. Neen shuurikkoyich aafoon kupphemmo konine?

“Roobeelo, giidoonaa gurimaashittinee hakkoona taach beehooba, ta shiyeti ta gutenee bushoo neene; ta bushiishoo bulliichee oogoonaa giidoona besho neene. Tunetaa xuuqqishecho ne tunetoyich, bareenaꞌoyee damboo tuneyaachemmo neene; ebiyoo ne nihoo ta naamacheen ne qeyetoyichiye; ta beeroonoo ne eeꞌitoyichiye.