Popular Bible Verses from Yibbaatoo 8

Share

Gaannoon ne danemmoyich neech giidoon immiibeeti ne Nuggishoo Doono Yeerin batteyaahine. Ebin bi tuniibeeto, ne qaabbechinaꞌoyich bi wogeti wogoon ceechoyichiye; ebinoo hanaach beddaahaa tunii beetone.

Asho Doono Yeerichi noonoochee kechiibeeti mooyo bullinalli kosho ikkeetona baach kashoona beetaachemmo bi tunoon neech arichiyoyich, neen shaaciyoona biich deꞌa ne gettemmoyich tuniihe; newoo tuneb ne qaabbechinaꞌo maa ariyaani mannoon neech maanjiye.

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

Ebich ne mulloona ‘Ebi bulli gaannoon taach daniito, ta giidoonaa ta hakkoonane’ getiree ne gabaachemmoyich, ne qelloon ariibe!

“Ebi hanaach neech ta gettaabeeti bi geteenaꞌon, doyeenaꞌonaa qociyeenaꞌonon quyee qayona ne Nuggishoo Doono Yeerin ne batteyaachemmoyich ne qelloon ariibe!

Asho bi bushoon bi sheeroommon ne Nuggishoo Doono Yeeri neen bi sheeroon batteyaahine.

Maa miyiree, gaawe showoon neech bi immitoyich, Doono Yeerin galletemmo neene.

“Illa ebich, bi gommona hamibee, biinoo shatibee, ne Nuggishoo Doono Yeerichi getoon waayebe.

Ne qaabbechinaꞌo maa ariyaani mannoon barahoochaa neech maanjiye. Ciiroochaa gaawe mooyona neen diiriya, iritoon ne toommooch deebiꞌi neen phirehe.

Maa ne miyiyooba, gaawe kexon haggaꞌa arooch ne kotehooba, ne miiminaꞌo, bageenaꞌonaa emmisheenaꞌona meetiyooba, aachoonaa birewoona neech woddehooba, neech beeto bulli meettii meettii hamiyooba, ne mullo geecaa, Gibitsee showeexi guuchittinoochee neen kichii deebiti ne Nuggishoo Doono Yeerin ne batteyaachemmoyich ne qelloon ariibe!

Ne Nuggishoo Doono Yeeri gaawe showooch neen daammii beetone. Ebi are showoo geppoonaa bamboonoochee xuupphiibeeti woce aaco, aachi xuuphoonaa aachi tunoona beeti showoone. Wotta teepphoonaa sheqoona, woyinee qomboonaa balaasee mixona, romaanee mixonaa zayitee mixona, eeyoo beeti showoone. Koshon miyi ne maayemmi showoo, amoonolla ne mucceyaachemmi showoone. Ebi are showooch beeti xaqqeenaꞌoochee xuuroo danee beetone. Arooch beeti geppe showoochee gooshoon iijjemmo neene.

Muusiyoo Israꞌeeleenaꞌoyich ishichiye: “Doono Yeeri ittoshi qaabbechinaꞌoyich imoyich wogeꞌi bi gibenikkiti showooch giyi ittoshi beeyemmonaa ittoshi meettemmonoyich, ittoshi hajjemmoyichoo, hanaach ittoshich ta gettaabeeti getoon manjii waayebote.

Ebi aabbe nati daggooch ittoshi taho ittoshi qeddoochee ciireyaanoone; ittoshi baatoo nafaanoone.

Biyoo qoppiibeeti dingeroonaa barahee machoona beeti, shaꞌetaa ciireyaani shattiibeeti barahoona, neen yaabiye. Ebi aachaalli shuuꞌi showoochaa shiishe xaqqoochee aaco neech bi xuupphemmoyich tuniihe.