Popular Bible Verses from Yibbaatoo 6

Share

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.

Ne bushiishoyichoo manjii dojjibe. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo, ne noonoochee kuxaanoon gete.

Ebi hanaach neech ta gettaabeeti getoon ne mullooch kotiibe.

“Israꞌeelo, elle waayebe. No Nuggishoo Doono Yeeri ikke Nuggishoone.

Ebi sheeroon batteyaanoon shalligi ne beeyemmoyich kooriree ne kishoonaa ne baree gutte daggoonooch tife.

Ne kechi kellee qoomeenaꞌooch, ne katemee uxeree kelloochoo kooribe.

“Ne Nuggishoo Doono Yeerin shate. Biich baach goyinne maddebe. Bi shigoona baach wogebe.

“Ne Nuggishoo Doono Yeeri ebi showoon neech imoyich, ne qaabbechi Abrahamich, Yisaaqinaa Yaaqobinoyich wogetone. Ebi showooch ne hagaani, ogoogeenaꞌonaa gaawetinaꞌona tuneti katemeenaꞌo beetinaꞌone. Ne gedaani gaawe mooyo bi maacooch ceenniti kexinaꞌo arooch beetinaꞌone; ne iiyaani aachi oppeenaꞌo, ne bechaani woyinee qombeenaꞌonaa zayitee mixinaꞌona arooch beetinaꞌone. Doono Yeeri arooch neen bi giijjaa, maa ne miyiyooba, guuno tunaꞌa beebee ne echeti Gibitsee neen kichii deebiti Doono Yeerin ne batteyaachemmoyich ne qelloon ariibe!

“Ittoshich ta dojjemmoyich ittoshi Nuggishoo Doono Yeeri taach immiti geto, qociyoonaa doyoona ebine. Arooch giyi ittoshi hajjemmi showoochaa eboshin quyebote. Kashoona ittoshi beemmi yemeeno bullin ittoshi, ittoshi bushiisheenaꞌonaa bushaa bushiisheenaꞌona ittoshi Nuggishoo Doono Yeerin shatote. Ittoshich ta immaabeeti qociyoo bullinaa geto bullinon quyebote. Ebin ittoshi tuniigaata, are showooch koteree yagemmo ittoshine.

Mooyo neech bi kaamemmonaa Doono Yeeri ne qaabbechinaꞌoyich wogeꞌi bi gibenikkiti gaawe showooch giyi ne woraashemmonoyich, Doono Yeeri aafooch tatoonaa gaawetona tuneti mooyon tuniibe.

Ittoshina tookkii beeti ittoshi Nuggishoo Doono Yeeri qanaatechi Nuggishoo bi tunetoyich, Nuggishoo Doono Yeeri kaaro ittoshi toommooch bi cufaachemmoyich, showee toommoocheenoo ittoshin bi aalliyaachemmoyich, ittoshi guudoona beeti asheenaꞌo goyinnee maddeebeeti bare nuggisheenaꞌoyich goyinne maddeyaahote.

Ittoshina tookkii beeti ittoshi Nuggishoo Doono Yeeri qanaatechi Nuggishoo bi tunetoyich, Nuggishoo Doono Yeeri kaaro ittoshi toommooch bi cufaachemmoyich, showee toommoocheenoo ittoshin bi aalliyaachemmoyich, ittoshi guudoona beeti asheenaꞌo goyinnee maddeebeeti bare nuggisheenaꞌoyich goyinne maddeyaahote.

“Masaahaa Doono Yeeri ittoshin gaachoon hakkemmo bi tunoon xiishi bi bekkiyemmoyich ittoshi qaawoommon, ebiyoommon tuniyaahote.