Popular Bible Verses from Yibbaatoo 5

Share

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon keejjinnee shiijjeroonaa awuddinnee shiijjeroonooch beddaahaa, niheenaꞌo shuuneti axaaxee naboyich naxemmo taane. Tunebaani taan shunnii beetinaꞌonaa ta getoon waayee beetinaꞌonoyich hume shiijjerooch beddaahaa ta shunoon bekkiibeeto taane.

“ ‘Damba shimaayooch, desh showooch, showoyee deshi aacooch beeti mooyoochee amee shaahoonona shuuneeti shahalloochi misiloon neech shuuneyaahine.

“ ‘Tayee besh bare nuggishoyich goyinne maddeyaahine.

“ ‘Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

Boonoshinaa boonoshi shiijjereenaꞌonoyich bulli yemeenoon mooyo bulli kaamemmoyich, taan boonoshi shattemmonaa bulli aaboon ta getoon boonoshi quyemmonoyich, ebiyoommi gaboo bulli aaboon abo boonoshichoo beeba!

“ ‘Ne Nuggishoo Doono Yeeri ta, neech gettetoommon, shambetee aaboon yaafeeti aabo tunii quyebe.

“ ‘Ashi mecheen qaatiyaahine. Ashi kexon woyee goyoon, ashi guunon woyee gonneen, bi gattoon woyee bi kuroon, ashi gijjoo amoonolla qaatiyaahine’ iye.

“ ‘Shunoon maayaahine.

“ ‘Asho koni toommoochona kootoon miixeyaahine.

“ ‘Ashoon wuxiyaahine.

“ ‘Gaajjaahine.

Gibits beechaa newoo guuno ne tunoon, ebi aroochee ne Nuggishoo Doono Yeeri ta, kupphe ta kishoonaa giidechi ta mochoonon bekkiyaꞌa neen kichaa ta deebon shalligibe. Ne Nuggishoo ta, shambetoon ne quyemmoyich ta gettaabeeto, ebichiye.

Shiritte qemi daggooch ne shuunemmi shuunoo bullin shuunebe. Tunebaani shabaattinnee qemo ne Nuggishoo Doono Yeeri ta shambetoone. Ebi aabooba koniyoona shuunoon shuunaaye. Newoo tuneb, ne anaami bushoo, ne maache bushee, ne guuno, ne gonnee, ne gattoo, ne kuro, ne gijjoo aabiyona, ne katemee daggooch beeti shiqqoo amee shuunoonolla shuuneyaahote. Ne kashaa heeyoommon, ne guunonaa ne gonneena kashe heeyeete.

‘Gibitsee showeexi guuchittinoochee kichaꞌa neen deebeti ne Nuggishoo Doono Yeeri taane.