Popular Bible Verses from 1 Tesalonika 4

Share

Abis itu, torang yang waktu itu masi hidop, Tuhan Allah mo angka ka awan-awan sama-sama deng tu orang-orang yang so hidop ulang for mo sambut pa Tuhan Yesus di langit, kong torang samua mo tinggal sama-sama deng Tuhan Yesus slama-lamanya.

Kalu Tuhan so mo datang, mo ada satu prenta dari sorga tu da bilang deng suara yang kuat skali, tu malaekat pe pemimpin mo babicara kuat, kong Tuhan Allah pe trompet mo babunyi. Waktu itu, Tuhan Yesus mo turung dari sorga kong tu orang-orang mati yang percaya pa Yesus mo lebe dulu hidop ulang.

Ini tu Tuhan Allah pe mau: ngoni hidop deng hati yang bersi, nyanda baseks bebas, ngoni tu laki-laki musti tau hidop bae-bae deng ngoni pe bini, ngoni hidop jo deng hati yang bersi di muka pa Tuhan deng lei baku-baku hormat.

Torang percaya kalu Yesus da mati kong Tuhan Allah so kase hidop ulang pa Dia. So itu torang lei percaya kalu tu orang-orang yang percaya pa Yesus mati, pasti Tuhan Allah lei mo se hidop ulang pa dorang kong mo bawa pa dorang for sama-sama deng Yesus.

Ngoni musti brusaha hidop baku-baku bae deng orang laeng. Ngoni jang maso campur deng orang laeng pe urusan. Ngoni lei musti karja deng ngoni pe tangan sandiri for ngoni pe makang deng keperluan hari-hari sama deng tu torang perna bilang pa ngoni.

Soalnya Tuhan Allah da pangge pa torang for mo hidop deng hati yang bersi, bukang for mo beking tu hal-hal yang caparuni.