Popular Bible Verses from 1 Korintus 15

Share

So itu kita pe sudara-sudara yang kita sayang, ngoni pe percaya musti tetap kuat, jang se biar ada yang beking ngoni jadi ragu deng tu ngoni pe percaya itu. Ngoni slalu beking jo deng sunggu-sunggu tu karja yang Tuhan so kase pa ngoni lantaran ngoni tau kalu tu ngoni pe karja itu nyanda mo sia-sia.

Mar torang bilang makase pa Tuhan Allah, Dia yang da se bebas pa torang dari hukuman dosa, itu sama deng Dia so se menang pa torang. Dia se menang pa torang lewat apa yang Yesus Kristus tu torang pe Tuhan da beking di kayu salib.

Jang ngoni tapengaru for iko tu pikiran yang sala. Soalnya ada tu kata-kata bagini, “Kalu bergaul dekat deng orang yang ja beking tu nyanda bagus, itu bole mo pengaruhi tu orang yang ja beking tu bagus jadi beking yang nyanda bagus.”

Mar Tuhan Allah se tunjung Dia pe bae pa kita sampe kita bole jadi rasul skarang ini, kong tu Dia pe bae yang Dia da se tunjung pa kita itu nyanda sia-sia. Malatare dari antara rasul-rasul, kita tu rasul yang da bakarja kras lebe dari tu rasul-rasul yang laeng. Mar samua tu karja yang kita da beking, itu samua kita da beking bukang deng kita pe kemampuan sandiri, itu bole jadi lantaran Tuhan Allah pe bae pa kita sampe kita mampu for beking tu kita pe karja itu.

Hei maut, ngana kasiang so kala! Hei maut, ngana kasiang so nyanda ada lei kuasa, ngana pe bisa so nyanda ada lei.” Tu maut pe bisa itu dosa yang bole beking orang mati. Kong tu orang yang beking dosa musti dapa hukuman lantaran so langgar tu atoran-atoran di Kitab Taurat.

Ngoni tarukira jo bae-bae, kita mo se tau pa ngoni satu rahasia: nyanda samua dari torang tu mo mati, mar samua torang pasti mo bruba, bae itu yang so mati ato tu blum mati. Soalnya waktu tu trompet yang terakhir babunyi, tu orang-orang mati mo hidop ulang, trus dorang so nyanda mo mati lei deng tu orang-orang yang masi hidop, dorang pe badan mo bruba trus nyanda mo mati lei. Ini samua mo jadi dalam waktu yang capat skali, waktu tu trompet babunyi.

Soalnya lantaran satu orang pe dosa, tu Adam, kong samua orang musti mati. Bagitu lei lantaran tu satu Orang da beking, tu Yesus, kong tu orang-orang bole mo hidop ulang. Samua orang musti mati lantaran samua orang ada hubungan deng Adam, mar samua orang yang ada hubungan deng Kristus pasti mo hidop ulang.

Soalnya torang pe badan yang bole mo mati deng mo ancor ini, nanti musti bruba jadi so nyanda lei mo mati deng nyanda mo ancor.

Soalnya seblum kiamat, Kristus musti tetap baprenta sbagai Raja sampe Tuhan Allah se kala samua tu Dia pe musu-musu, itu sama deng Tuhan Allah taru samua tu musu itu di bawa pa Kristus pe kaki. Tu Tuhan Allah pe musu yang terakhir yang Dia mo se kala, itu no tu maut yang bole se mati orang.