Popular Bible Verses from 1 Korintus 14

Share

Soalnya Tuhan Allah itu Tuhan yang nyanda suka tu ibada yang kacau, Dia suka tu ibada yang taator.

Sudara-sudara, ngoni brusaha jo for basayang. Ngoni lei musti brusaha skali supaya dapa tu karunia-karunia yang dari Roh Kudus, lebe-lebe lei tu karunia for kase tau tu pesan yang Tuhan da se tau.

Mar sapa yang kase tau tu pesan yang Tuhan da se tau pa dia, dia itu babicara pa orang-orang for se kuat tu orang-orang pe percaya, kase smangat pa dorang, deng lei hibur pa dorang.

Sapa yang babicara pake bahasa yang Roh Kudus da kase, dia itu mo se kuat tu dia pe diri sandiri. Mar sapa yang kase tau tu pesan yang Tuhan da se tau, dia itu ja kase kuat tu jemaat.

Jadi bagitu lei deng ngoni, ngoni memang so brusaha dapa karunia-karunia dari Roh Kudus, mar paling bae ngoni brusaha jo pake tu karunia-karunia yang ngoni dapa itu for beking kuat tu jemaat.