Popular Bible Verses from Wahyu 5

Share

Wo séra kumantar esa kakantaren weru tana'i: “Icoo em patus tumerima ing gulungan kitap itu, wo muka' in ségél-ségélna. Ampa'paan Ko sumangkumo pinaté, wo ang karapi in enda'-Mu, tinu'bus-Muo séra torona i Amang Kasuruan, séra itu mai am pakasa in suku, i nunuwu', i negara wo im bangsa.

Séra im baya mewali-wali makantar in taangko' keli. Em pakantar éra tana'i, “Si Toyaang i Domba si sumangkumo pinaté itu em patus tumerima ing kawasa, ing kasiyaan, ing kapinteran, ing kaketeran, in siri', im parayo-rayo wo pasiri-siriin wo rarayoan.”

Séra itu niéma'-Muo mamuali esa kakolanoan, wo mamuali imam-imam i Amang Kasuruanta. Wo séra merénta oka tanu kolano ang kayo'baan.”

Wo kalingaanku pakasa sé mahluk an sorga, ang kayo'baan, an darem ing kayo'baan wo an ta'sic, séra mewali-wali kumua, “Toronake' Sia si makalukut am palukutan pasiri-siriin wo torona i Toyaang i Domba, e rarayo wo in sisiri' wo iparayo-rayo wo pasiri-siriin wo ing kawasa akar ing kauré-uré.”

Wo esaan asé rua ngapulu' epat matu'a kumua a yaku, “Tioo ko maamé'! Séréno! Awéan Singa asé suku i Yehuda owo, Siao si taranak i Daud. Sia muntungo akar Sia ro'na muka' sé pitu ségélna wo ing gulungan kitap itu.”