Popular Bible Verses from Ibrani 8

Share

Wo iwéé-Ku oka eng kaupusan-Ku ai séra ampa'paan ing kamesé-meséaan si niéma' éra wo ra'io ka'i ta'néien-Ku eng kamesé-meséaan éra.”

Taan intarépé', si anioo em perjanjian si émaan-Ku oka ang karapi é tou Israel, asé endo mengangai sa. Iweta'-Ku oka en ukum-ukum-Ku a ngaas éra, wo ipatic-Ku oka en itu an untep in até éra. Yaku mamuali oka Amang Kasuruan éra, wo séra mamuali oka tou-Ku.

Wo séra ra'io sangali mensusuian wo sé kara-karapi kuma'pa sé poo-poow éra, wosama' makatuus si Casuruan. Ampa'paan séra im baya tumo'tol asé tou ra'ica penting akar a sé tou penting makatuus oka Yaku.

Taan indior sérén i Amang Kasuruan séra awéan kaséaan e ra'ica makiit in atoran asi perjanjian kataré, akar Sia kumua ai séra in tana'i, “Uli-ulit maai oka en témpona, émaan-Ku oka esa perjanjian weru ang karapi é tou Israel wo sé tou Yehuda.

Si penting keli asé im pakasa sé pepaarenta anio', sapaoka kita makaanu Imam Wangko' si ra'io cakua si makalukut ang kakan im palukutan pasiri-siriin i Amang Kasuruan si Mangko-wangko' an sorga.