Popular Bible Verses from Mbete 2 Kɔrenteri 5

Share

Kaŋ mí nzuk ké ƴo ziŋ Ŋgermbay le, ɓa nzuk pirmatul a foyu wara. Fe a ta̧wuri kal da. Mú ko, feri ti̧h ɓa a foyu.

A ye ké-e tu suya ya, mí ke hi̧ suya wah mgba tul ye ɓay hi̧ náh ƴo ziŋ Ŋgerzah ɓa záh wah, a wah ké nah ƴo ziŋ ni Ŋgermbay.

Ɓayu ké nzuk kan law tul Ŋgermbay le, kanlawu mí ƴo sɔk ni siŋ sina ké-e si, ta ɓa nun ye mí sɔk ni siŋ sina-u ya.

Dale sa̧w fe a foyuri gbam ur ké ta̧w Ŋgerzah. Ke mgba nzak nzaw ziŋ na ɓay Ŋgermbay, mí ke el ndoh pihna-mgba nzak nzaw kan ndɔk wah. Sɔk ɓahri se, feri gbam ké Ŋgerzah laɓ ra, nunmbam, tusiɓa, nzukri, gbam ke mgba nzak nzaw ziŋ niri ɓay Ŋgermbay hi̧ ke ki̧ suya woyri ya. Mí ke ɓaŋ ɓay-mgba nzak nzaw ra ndoh nzak wah.

Kaŋ dale ɓay tul Ŋgermbay mí nah ɓa gun nzak pihna ké-e pih ke riŋ ye. Ké fál ta̧w wah le ɓa Ŋgerzah mí ƴo hew wuri ke nzak pihna wah-ay. Nah ƴo goŋ wuri ke riŋ Ŋgermbay, í mgba nzak nzaw ziŋ Ŋgerzah mgba.

Kandɔkaw mí ke hu ɓay tul nzukri gbam ɓay hi̧ ɔkna ye hi̧ nzuk yeri hi̧ káɓ tukala woyri na ɓay tul woyri ya. Wara le káɓ tukala nzuk yeri na ɓay tul ye ké-e hu, ké-e ti̧h ke pa̧ymun a foyu ɓay tul woyri. Kaŋ mí nah ta ko nzuk ke kerɓay a tukala ya. Lewsa̧ ra nah ko Ŋgermbay ke kerɓay a tukala, mí aŋay bale, nah ko ni kaŋ mba.

Law sana Ŋgermbay sɔkrɔ na hi̧ nah tu ké ɓil law wah ɓahri se, nzuk mbew hu ɓay tul nzukri gbam kaŋ dale, gbam woyri ku hu pi.