Popular Bible Verses from ɛTomɛ 17

Share

ɛTaanggbey kɛ mɔn ɛlɛ wo tɛ ninyi na ne tɔk, nibhɛ phɛl hang nibhɛ yaa sɛ ɛbhɛ yɔɔ. Gbik ne iphɛ ɛlɛy sɔng ɛTaanggbey ya ne ma yung so kyakyak ne ɛdɛ njwɛɛn nang.

Kaa lenɛ ne ɛnyi ɛdaan ne ɛTaanggbey ya ne ryɔng igbagha ɛzay yo gbik. ɛLi ne ɛTaanggbey ya ka tang ryɔng igbagha ɛzay yo, ɛ kaa ne ku hyɛ ɛrɔngɔ nituk ka ne aa shɛɛ nɛ ndɔ ɛzay ya, ne ɛ nang ɛrɔngɔ ɛlɔ gha ne aa shɛɛ nɛ.

“ɛTaanggbey ya ne ɛ kɛ ryɔng ɛzay ya nɛ nikɔn na nɛ nibhɛ sonɛ wo, ɛbhɛ so ɛDaray ɛzay ya ne ɛdaa ne irywa wo gbik. Sɔng ɛ ne shɛɛ ndɔ ne idweng nɛ niten nisii kɛ ryɔng nang.

ɛTaanggbey ya kɛ ku yɛk ne ɛtuk ne ɛ sɛ bol ɛzay gbik ɛshara ne itin. Ɛ kɛ ne kasa ɛYɛso ye ɛbhɛ so ɛnyi gha ne ɛ sɛ bol ninaa ɛzay ya ɛshara gha. ɛTaanggbey ya kɛ ne tɔɔrek ninyi ɛzay ya ibol lɛdee wo ywɛywɛy ɛli ne ɛ kaa yiisik ɛYɛso yegha tsik ndɔ ne ikpuu da.”

“Ɛli ne njwɛɛn so ninɔn ɛTaanggbey ya, sɔng iphɛ kɛ ne jam mɛ njwɛɛn tas te ɛTaanggbey ya so izinariya ne ɛzurufa ne ikɛɛ ne ɛten ɛsii kɛ ryɔng ne ibɔ ɛbhɛ lenɛ ne ishweng ɛbhɛ nang.