Popular Bible Verses from Tohi a Paulo ki te kau LOMA 12

Share

Aua naa kotou fakatatau ki te sekulo aeni, kae ke fetogi koutou e te fakafoou o te loto, ke kotou iloi te finegalo o te Atua: Te mea ae e lelei, mo aoga, pea mo haohaoa.

Koia e au fakamalohii ai koutou, u tehina, i te manavaofa o te Atua, ke kotou momoli okotou sino o hage ko he sakilifisio mauli, mo maonioni, mo lelei ki te Atua; koena takotou atolasio mooni kia ia

Ke kotou fakafiafia i te amanaki lelei. Ke kotou kataki fualoa i te mamahi. Ke kotou agatonu i te faikole.

Ke aua naa ke tuku ke malo te kovi ia koe, kae ke ke malo i te kovi aki te lelei.

Ke kotou feofaofani i he ofa fakatautehina; ke kotou tokaga ki te fakaapaapa i okotou vahaa.

Ke mooni tokoutou ofa. Ke kotou fakalialia ki te kovi pea ke kotou pipiki fakamalohi ki te lelei.

Kapau e feala, pea e fakalogo kia koutou, ke kotou mauli i te tokalelei mo te u tagata fuli.

Aua naa kotou taui koutou totonu, ofaaga, kae kotou tuku te ita ke fai, koteuhi e tuu i te Tohi: E ui e te Aliki: A aku te lagavaka, a aku te totogi

Ke kotou faafai, kae aua naa kotou pipiko. Ke kotou loto mafana. Ke kotou tauhi ki te Aliki.

I te kalasia ae nee foaki mai kia au, e au fakaha ki te tagata takitahi o koutou, ke aua naa ina mau he manatu e maoluga age ia ia totonu, kae ke ina kofu ni manatu totonu, o mulimuli ki te lahi o te tui ae kua vaevae e te Atua ki te tagata takitahi.

Aua naa kotou totogi ki he tahi te kovi aki te kovi. Koutou kumi te mea e lelei ia mua o te u tagata fuli.

Ke kotou mau ni manatuloto tatau i okotou vahaa. Ke aua naa kotou holi ki te u mea maoluga, kae ke kotou holi ki te u mea malalo. Ke aua naa kotou fia poto.

kae kapau e fia kai tou fili, foaki kia ia he meakai; kapau e fia inu ia, foaki kia ia he meainu; koteuhi i tau fai te mea aia, e ke tanaki anai ni mamala kakaha ki tona fuga ulu.

Ke kotou tapuaki kia natou e fakataga atu kia koutou, koutou tapuaki kae aua naa kotou tutuku. Ke kotou fakafiafia mo natou e fiafia; ke kotou fetagihi mo natou e fetagihi.

Ke kotou tokaga ki te u mea e aoga ki te kau sagato masiva. Ke kotou fakatalitali kaiga.

Koteuhi o hage ko te sino e tahi, e ina mau ni kogasino e lahi, pea ko te u kogasino fuli e mole natou mau te gaue e tahi, e tatau foki mo tatou, e tou kaugamalie, pea e tou fau he sino e tahi ia Kilisito, pea e tou feaogaaki fuli, o hage ko ni kogasino e pipiki tahi.