Popular Bible Verses from EKESOTE 20

Share

Ko au ko te Eteleno, ko tou Atua, ae nee ina fakamavae koe mai te fenua o Esipito, mai te fale o te popula. E mole ke mau anai ni atua kehe i oku mua.

E mole ke fau anai kia koe he fakatata maka, pee ko he paaki o he mea pe e ke mau i oluga o te atu lagi, pee ko he mea ae e ke mau i lalo i te kele, pee ko he mea e mau i te tai ae e malalo age i te kele. E mole ke punou anai i mua o te u mea aia, pea e mole ke tauhi anai kia natou; koteuhi ko au ko te Eteleno, tou Atua, ko au ko he Atua e finenonofo, ae e ina tauteai te agakovi a te tamai ki ana fanau, o kaku ki te tolu mo te fa o te taitupu o natou ae e agatuu mai kia au

Fakaapaapa ki tau tamai mo tau fae, o tupu ke tologa tou mauli i te fenua ae e foaki atu anai kia koe e te Eteleno tou Atua.

Manatui te aho o te sapato, o fakamaonionii ia ia.

E mole ke takua noa anai te huafa o te Eteleno, ko tou Atua; koteuhi e tauteai anai e te Eteleno ia ia ae e ina takua noa tona huafa.

E ke gaue anai ia aho e ono, o ke fai ai au gaue fuli. Kae ko te fitu aho ko te aho malolo aia o te Eteleno, tou Atua: E mole ke toe fai anai he gaue, ia koe, o feia ki tou foha, mo tou ofafine, mo tau tagata faifekau, pea mo tau fafine faifekau, mo tau manu, pea mo te matapule ae e nofo i tou lotoa.

E mole ke manumanu anai ki te fale o tou oloi; aua naa ke manumanu ki te ohoana o tou oloi, pee ko tana tagata faifekau, pee ko tana fafine faifekau, pee ko tana pipi, pee ko tana asino, pee ko he mea pe ae e mau e tou oloi.

E mole ke fakamooni loi anai ki tou oloi.

E mole ke tono anai.

E mole ke fakapo anai.

E mole ke kaihaa anai.