Popular Bible Verses from EKESOTE 15

Share

Nee ina ui leva: Kapau e ke tokaga lelei ki te leo o te Eteleno tou Atua, kapau e ke fai te mea ae e totonu ki ona mata, kapau e fakalogo tou taliga ki ana fakatotonu, kapau e ke tauhi ana lao fuli, pea e mole au tautea anai ia koe ki he mahaki i te u mahaki ae nee au tauteai ai te kau Esipito; koteuhi ko au ko te Eteleno ae e ina fakamauli ia koe.

Ko te Eteleno ko toku malohiaga, pea ko te tupuaga aia o aku fakavikiviki; Ko ia ae nee ina haofaki au. Ko ia ko toku Atua: E au fakavikiviki anai kia ia; Ko ia ko te Atua o taku tamai: E au fakaha anai tona mauhiga.

Eteleno, ko ai te atua e tatau mo koe? Ko ai e tatau mo koe ae e gigila i te maonioni, Ae e gali mo te u fakavikiviki, Ae e ina fai te u mea fakamanamana?

Nee ke haofaki tau hahai! Nee ke taki ia ia i tou manavaofa, Nee ke taki ia ia aki tou malohi, Ki te nofoaga o tou maonioni.

Nee natou kaku ki Mala; kae nee mole feala ke natou inu ki te vai o Mala, koteuhi nee kona ia. Koia ae nee fakahigoa ai te kogamea aia ko Mala. Nee mumuna leva te hahai kia Moisese, o ui: Kotea anai ka matou inu? Nee kalaga leva ia Moisese ki te Eteleno; pea nee fakaha leva e te Eteleno kia ia he akau, ae ke ina li ki te vai. Pea nee liliu leva te vai aia o malie. Koena te kogamea ae nee foaki ai e te Eteleno ki te hahai ni lao mo ni fakatotonu, pea ko te kogamea aia ae nee ahiahii ai e te Eteleno te hahai.