Popular Bible Verses from Tohi a Paulo ki te kau EFESO 5

Share

Koia kotou liliu ko te u faifaitaki o te Atua, o hage ko he u fanau ofaina; pea kotou haele i te ofa o faifaitaki kia Kilisito ae nee ofa kia tatou, pea nee ina foaki ia ia totonu ki te Atua o uhiga mo tatou, o hage ko he molaga mo he sakilifisio magoni ki te Atua.

Koia kotou tokaga aupito ki takotou haele, ke aua naa kotou hage ko he kau vale, kae kotou hage ko he kau poto; kotou totogi te temi, koteuhi kua kovi te u aho.

Aua naa kotou konahia i te vino, ko te mauli fakavale aia; kae ke kotou fonu i te Laumalie. Kotou fefakalotomalohiaki aki ni pesalemo, mo ni katiko, pea mo ni hiva fakalaumalie, o kotou hiva mo fakavikiviki ki te Aliki i tokotou loto katoa. Kotou fakafetai tuumau ki te Atua te Tamai i te u mea fuli, i te huafa o totatou Aliki ko Sesu-Kilisito.

Koia ke aua naa kotou hala atamai, kae ke koutou mahino ki te finegalo o te Aliki.

U tagata ohoana, koutou tahi ofa ki tona ohoana, o hage ko Kilisito nee ofa ki te Ekelesia, pea nee ina foaki ia ia totonu o uhiga mo ia

koteuhi i mua nee kotou fakapouli, kae i te temi nei kua kotou malama i te Aliki. Koutou haele o hage ko ni fanau o te malama!

Kotou fefakalogoaki ia koutou i te fakaapaapa kia Kilisito.

U fafine ohoana, ke kotou tahi fakalogo ki tona ohoana, o fakatatau ki te Aliki

Kae e toe uhiga foki mo koutou: Ke tahi ofa te tagata ki tona ohoana o hage kia ia totonu, pea ke fakaapaapa te fafine ki tona ohoana.

Koia e mavae anai te tagata mai tana tamai mo tana fae, pea e pipiki anai ia ki tona ohoana, pea e na liliu anai ko he kakano e tahi.

kae aua naa kotou kau ki te u gaue hee fua a te fakapouli, kae kotou aumai natou ki te malama.