Popular Bible Verses from Tohi a Paulo ki te kau EFESO 2

Share

Koteuhi ko tatou ko tana gaueaga, ae nee fakatupu ia Sesu-Kilisito ki he u gaue lelei, ae nee teuteui fakatomua e te Atua, ke tou fai natou.

Koteuhi nee fakamauli koutou aki te kalasia, aki te tui. Pea e mole hau te mea aia maia koutou, ko te meaofa ia o te Atua. Pea e mole uhi ko te u gaue, koteuhi ke aua naa fakakololiai ai he tahi.

Kae ko te Atua, ae e maukoloa i te manavaofa, o uhiga mo te ofa lahi ae nee ofa ai ia kia tatou, tatou ae nee mamate i atatou logogataa, kua ina fakamauli tatou fakatahi mo Kilisito (kua kotou mauli i te kalasia)

kua ina fakatuuake tatou fakatahi, pea kua ina fakaheka tatou fakatahi i te u potu fakalagi, ia Sesu-Kilisito

Koia, e mole ko ni matapule koutou, pee ko ni tagata mai tua; kae kua kotou kau ki te kolo o te kau sagato, mo te fale o te Atua. Kua fakatuu koutou i te fakatafito o te kau apositolo mo te kau polofeta, Sesu-Kilisito totonu, ae ko te maka agele.