Popular Bible Verses from Lua tohi a Paulo ki te kau TESALONIKA 2

Share

Ke aua naa kakaai koutou e he tahi i he mea pe; koteuhi e maua ke hoko te aposetasia* i mua pea ke fakaha te tagata o te agahala, te foha o te malaia

Kia matou, u tehina ofaina i te Aliki, e tonu ke matou fakafetai tuumau ki te Atua o uhiga mo koutou, koteuhi nee filifili koutou e te Atua talu mai te kamataaga ki te haofaki, aki te fakamaa a te Laumalie pea mo te tui ki te mooni.

te tagata agatuu ae e malaga ki oluga o te u mea fuli ae e higoa ko te Atua, pee ko te u mea fuli ae e atolasio ki ai; pea e kaku ia o nofo o hage ko te Atua i te fale tapu o te Atua, o fakaha ia ia totonu ko te Atua.

Ko totatou Aliki ko Sesu-Kilisito totonu, pea mo te Atua ko tatatou Tamai, ae nee ofa kia tatou, pea nee ina foaki kia tatou i tona kalasia he fakafimalie heegata pea mo he falala lelei, ke na fakafimaliei okotou loto mo na fakamalohii koutou i te u gaue lelei fuli pea mo te u palalau lelei fuli!

Koia e fekaui mai anai e te Atua he malohi kaka kia natou, ke natou tui ki te loi

E fai anai te ha a te tagata agatuu aia i te malohi o Satana, aki ni milakulo kehekehe, mo ni fakailoga, pea mo ni mea fakamanamana loi, pea mo te u kaka fuli o te agahala kia natou ae e mamate, he nee mole natou tali te ofa ki te mooni ke fakamauli ai natou.

Koteuhi kua gaue nei te misitelio o te agahala; e tonu pe ke puli ia ae e ina taofi ia i te temi nei.