Popular Bible Verses from Filipe 4

Share

Aua na kotou tokaga mamae ki se nea e tasi, kae kotou fakasa ki le Atua a nea ala e aoga kia koutou i ni kole, mo ni kolekole, ti mo ni fakafetai

ti ko le tokamalie o le Atua, leia e fakalaka ake i atamai fuli, e taupau ia loa okoutou loto mo akoutou manatu ia Sesu-Kilisito.

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

E kau mafai a nea fuli i leia e fakamakeke ia au.

Kotou fiafia tuumau i le Aliki, e kau toe liuga atu a ia, kotou fiafia.

E tokaga loa loku Atua ki nea fuli ala e aoga kia koutou o mulimuli ki lona mou koloa, i le kololia, ia Sesu-Kilisito.

Ko le nea leia na kotou ako, mo kotou tali, ti mo kotou logo ki ai meiate au, ti mo le nea leia na kotou tio ki ai iate au, kotou fai a ia, ti e nofo loa le Atua o le tokamalie ia koutou.

Ke iloa lokoutou agamalie e tagata fuli, kua ofi le Aliki.

E kau iloa le mauli i le mativa, ti e kau iloa le mauli i le mou. I nea fuli mo ganea fuli kua kau ako le makona ti mo le fia kai, le nofo i le mou ti mo le nofo i le oge.

E leaise kau fakasa le nea lena, o tupu ko le mativa, talie kua kau ako ke kau fiafia i le nofo leia e kau nofo ai.