Popular Bible Verses from Filipe 2

Share

Aua na kotou fai se nea i se loto fakatautau pe i se loto fia sa, kae i le loto agamalu ke kotou tio ki la ake o sakinake e lotou taualuga ake ia koutou totonu. Ke aua na tasi tokaga fua le tagata ki ana nea fua, kae ke tokaga foki a ia ki nea a la ake.

Kotou maua a manatu loto ala na maua e Sesu-Kilisito

Ko ia, na natula tatau a ia mo le Atua, kae na leaise tio a ia ki lona tatau mo le Atua ofaipe se nea ke tatai fakamakeke, kae na fakamativa a ia totonu, o fakatatau a ia ki se tagata fakasausau, o liliu a ia o tatau mo tagata ; ti na sa loa a ia ofaipe se tagata maoki, ti na fakataulalo a ia totonu, o liliu a ia o fakalogo o kaku ki le mate, ki le mate foki o le koluse.

talie ko le Atua leia e fakatupu ia ia koutou le loto mo le fai o lona finegalo malie.

Koia foki leia na siki ai a ia e le Atua ke taualuga oki, ti na soli ai e ia kiate ia le igoa leia e taualuga ake i igoa fuli, o tupu ke tutuli i le igoa o Sesu a tuli fuli i le lagi, mo le kele, ti mo le lalo kele, ti ke fakasa e alelo fuli ko Sesu-Kilisito ko le Aliki, ki le kololia o le Atua ko le Tamana.

Kotou fai a nea fuli, sala lauga mo sala lotolotolua, o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei

Koia, ei oku alofaaga, ofaipe lakoutou patigaofie tuumau, o leaise gato fua mo ka kau nofo mo koutou, kae toe asili ake mo ka kau puli, kotou gaoi ki lokoutou saofaki i le i mo le lulu