Popular Bible Verses from Maleko 16

Share

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Ti ko nei a milakulo ala e soko loa kia latou ala e tui loa : E lotou kapu loa a temonio i loku suafa ; e lotou masau loa i ni masau foou ; e lotou too loa ni gata ; ti kapau e lotou inu ni nea inu mateia, e leaise soko loa se veli kia latou ; e lotou teki loa olatou lima ki le kau masaki, ti e mauli loa le kau masaki.

Ko leia e tui loa ti e papitema loa e mauli loa a ia, kae ko leia e leaise tui loa e malaia loa a ia.

Ti na ano loa ana tisipulo o akonaki i potu fuli. Na gaoi le Aliki mo latou, ti na fakamaoki e ia le folafola ki ni milakulo na soko.

Kae na pati loa a ia kia latou : Aua na kotou i ; e kotou afa Sesu mei Nasaleti, leia na tutuki ki le koluse ; kua toe tuuake a ia, ti e leaise koi nofo a ia i leinei ; kotou tio ki le ganea leia na tuku ai a ia.

Ti i le siki ake o olatou mata, na lotou tio loa kua tulei le fatu, leia na lasi ai. Na lotou ulu loa ki le tanuma, o tio loa ki se tagata tupulaga e tonatona i le fetuu atamai, ti na kofu ki se kofu tea ; ti na lotou i lasi ai.