Popular Bible Verses from Maleko 13

Share

E vesiainai loa koutou e kakai fuli, o tupu ko loku suafa, kae ko leia e kataki fualoa loa o kaku ki le fakaoki e saofaki loa.

Kotou tokaga, kotou alaala, ti kotou faikole ; talie e leaise kotou iloa pe au fakaa loa le aso lena.

Ka ave loa koutou ke fakamaaui, aua na kotou tuania le nea leia ka kotou masau loa ki ai i mua, kae kotou fakasa le nea leia e tuku atu loa kia koutou i le ola totonu lena ; talie e leaise ko koutou ala e masau loa, kae ko le Laumalie Maokioki.

E puli loa le lagi mo le kele, kae e leaise puli loa aku folafola.

Kae ki le aso pe ko le ola, e leaise iloa a ia e se tasi fua, pe ko le kau aselo i le lagi, pe ko le Alo, kae ko le Tamana toka tasi.

Ka kotou logo loa ki le masau ki ni tau kua soko, ti mo ni tau e teuteui, aua na kotou i, talie e tonu ke soko a nea ana. Kae e leaise ko le aso fakamuli loa lena.

Koia kotou alaala, talie e leaise kotou iloa le lakaga leia e au ai loa le pule o le fale, pe ko le afiafi, pe ko le vaeluapo, pe ko le koukoua o moa, pe ko le usu. Kotou i na au fakafokifa a ia, o maua mai koutou e kotou momoe. Ko le nea leia e kau fakasa kia koutou, e kau fakasa a ia ki tagata fuli : Kotou alaala.

E tau loa se kakai ki se tasi kakai, ti mo se puleaga ki se tasi puleaga ; e i ai loa ni mafuike i potu kesekese, ti e i ai loa mo ni oge. Ko le kamataaga loa a ia o mamae o le fanauga.

E tonu mua ke fakasa le logo malie ki puleaga fuli.

Talie e au loa le toka api i loku suafa, o pati : Ko au. Ti e lotou kakaai loa se kakai toka api.

Kotou tokaga kia koutou totonu. E ave loa koutou ki telepinale, ti e sasa loa koutou ki ni laakau i sinakoka ; e kotou tutuu loa i mua o ni kovana ti mo ni sau, o tupu ko au, talie ke kotou fakasa le maoki kia latou.

Talie e malaga loa ni Kilisito loi mo ni polofeta loi ; ti e lotou fai loa ni nea fakaofolele, mo ni milakulo ke kakaai ai le kau filifiliia, mo ka na feala a ia.

Kae i aso ana, i le oki o le mamae lena, e fakapouli loa le laa, ti e leaise toe tuku mai loa e le masina lona malama, Ti e maluluku loa a fetuu mei le lagi, ti e galulu loa a makeke fuli o le lagi.