Popular Bible Verses from Efeso 6

Share

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Kotou fai i temi fuli i le Laumalie a kole kesekese fuli ti mo ni tagi. Kotou tokaga ki le nea lena mo se kataki fualoa katoa, ti kotou ulufaki le kau sagato fuli.

Kotou kofu a masafu tau fuli o le Atua, o tupu ke mafai lakotou tuu makeke ki pikoi kaka a le Tiapolo.

Koia, ke kotou too a masafu tau fuli a le Atua, o tupu ke mafai lakotou tuu i le aso veli, ti mo lakotou tuu makeke mo ka oki lakotou malo i nea fuli.

ti kotou too i aluga o nea fuli le paletau o le tui, leia e kotou mafai ai loa ke tamate a gasau ulaula fuli a le tagata veli ; ti kotou too foki le puloga tau o le fakamauli, mo le seleta a le Laumalie, leia ko le folafola a le Atua.

Koia, kotou tuu makeke : kotou toi i okoutou vakavaka le kilipipi o le maoki, ti kotou tui ki le fatafata le kofu tau o le maokioki, ti kotou sa taka i okoutou vae ki le mafi o le Evaselio o le tokamalie

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Fakaapaapa ki lou tamana mo lou tinana (ko le uluaki fakatotonu a ia, ti e muli i ai se fakapapau), o tupu ke ke manuia mo mauli fualoa i le malama nei.

Fanau, kotou fakalogo ki okoutou matua i le Aliki, talie e totonu le nea lena.