Popular Bible Verses from Kolose 2

Share

Koia o tupu kua kotou tali le Aliki ko Sesu-Kilisito, kotou saele iate ia, o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Kotou tokaga na fakasesei koutou e se tasi ki le filosofia ti mo se masau noa, o fanaki ki le talatisio a tagata, ti mo makeke fakalaumalie o le malama nei, kae leai kia Kilisito.

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ; Ti kua soloi e ia le tosi lima leia na tuu ai a nea fuli ala na tuku kia tatou, ti na taofi kia tatou ; ti kua fakapuli e ia a ia, o tutuki a ia ki le koluse

Talie e nofo fakatino iate ia le apeleaga katoa o le Atua. E kotou maua nea fuli o apele iate ia, leia ko le ulu o pule fuli ti mo makeke fuli.

Koia, ke aua na fakamaau kotou e se tasi i le nea kai mo le nea inu, pe i se aso lasi, pe i se masina foou, pe i se sapato : Ko nea fuli ana ko le ata o nea ala ka soko mai, kae ko le tino ko Kilisito.