Popular Bible Verses from Wulo 11

Share

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

Nyamenle anwonyia le kpole. Ye nrɛlɛbɛ nee ye adwenle le kpole bo zolɛ. Nwane a kɛhola kɛde ye kpɔkɛ mɔɔ ɔkɛbɔ la abo a?

Nyamenle Edwɛkɛ ne se, “Nwane a ze Awulae adwenle a? Nwane a kɛhola kɛdu ye folɛ a?

Zɔhane ala yɛɛ kɛkala noko ɔde a; ye ɛlolɛ ne ati, Nyamenle ɛkpa nu ɛye menli ekyi bie ɛzie ɛkɛ. Saa ɛlolɛ zo ala yɛɛ ɔlua a, ɛnee tɛ nyɛleɛ ti ɔ. Ɔluakɛ saa Nyamenle kpa nu aye sonla amaa ɔ nwo wɔ ahenle ne mɔdenlebɔ ti a, ɛnee Nyamenle ɛlolɛ ne ɛnle ɛlolɛ.

Kɛkala ɛdeɛ Dwuuma le kɛ baka belɛ mɔɔ bɛpepɛ ye ngane ne mɔ bie bɛgua na bɛva bɛmɛ mɔɔ bɛle kɛ baka nyinli la ngane bɛrasisa zolɛ, kɛ bɛnyia nyilalɛ ne mɔɔ vi baka ne anu ba la bie. Yemɔti, ɔnle kɛ bɛtu bɛ nwo bɛkile bɛdabɛ mɔɔ bɛpɛ bɛ bɛgua kɛ baka ngane la. Duzu ati a bɛmemaa bɛ nwo zo ɛ? Bɛle ngane ala; tɛ bɛmɛ a bɛsɔ ndinli ne a, ndinli ne a sɔ bɛ a.