Popular Bible Verses from Wulo 10

Share

Ɔboalekɛ, saa bɛdie bɛto nu na bɛka ye bɛ nloa kɛ, “Gyisɛse le Awulae” na bɛdie bɛdi wɔ bɛ ahonle nu kɛ Nyamenle dwazole ye vile mɔwuamra anu a, bɛbanyia ngoane.

Ɔluakɛ saa sonla fa ye ahonle die di a yɛɛ ɔka ye diedi ne ɔ nloa na ɔnyia ngoane a.

Yemɔti, saa yɛte edwɛkɛ ne a yɛɛ yɛnyia diedi a, yɛɛ edwɛkɛ ne a le Kelaese ne anwo Edwɛkpa ne nolobɔlɛ ne.

Nyamenle Edwɛkɛ ne se, “Awie biala mɔɔ kɛlie ye kɛli la anyunlu ɛnrɛgua aze.” Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la. Nyamenle Edwɛkɛ ne se, “Awie biala mɔɔ kɛbɔ Awulae duma kɛzu kɛvɛlɛ ye la kɛnyia ngoane.”

Na kɛ ɔkɛyɛ na bɛabɔ nolo ne wɔ mekɛ mɔɔ bɛtɛsoanle menli kɛ bɛhɔbɔ nolo la ɛ? Mɔɔ Nyamenle Edwɛkɛ ne ka ye wɔ nwolɛ la ɛne, “Soanvolɛma ne mɔɔ fa edwɛkɛ kpalɛ ne ara la ɛralɛ nu le kɛnlɛma na ɔyɛ nwanwane!”

Na kɛ menli kɛyɛ na bɛazu bɛavɛlɛ ye wɔ mekɛ mɔɔ bɛnlie ye bɛnli la ɛ? Na kɛ ɔkɛyɛ na bɛalie mɔɔ bɛtɛtele ɔ nwo edwɛkɛ ɛlɛ la bɛali ɛ? Saa bɛannyia mɔɔ ka maa bɛtie noko la a, kɛ ɔkɛyɛ na bɛade ɛ?

Ɔluakɛ Kelaese rale la yɛɛ mɛla ne tumi bɔle aze a, amaa mɔɔ kɛlie kɛli la azɔ Nyamenle anye.