Popular Bible Verses from Sɛlɛ 19

Share

Bɛmmadi nzenralɛ anzɛɛ bɛmmafa bɛdabɛ bɛ menli ne mɔ amra mrenya anwo edwɛkɛ bɛsie bɛ kunlu. Bɛhulo bɛ gɔnwo mɔ kɛ bɛdabɛ bɛ nwo; medame a mele Ɛdɛnkɛma a.

Ɔnle kɛ bɛbodɛboda bɛ nwo bɛkile bɛ nyanelilɛ wɔ awie mɔɔ ɛwu la ati anzɛɛ bɛbobɔ ngonlɛ biala; medame a mele Ɛdɛnkɛma a.

“Ka kile Yizilayɛma amuala kɛ: Ɔwɔ kɛ bɛmaa bɛ nwo te, ɔluakɛ Medame, Ɛdɛnkɛma bɛ Nyamenle, mele nwuanzanwuanza.

“Bɛmmafa bɛ gɔnwo anwo edwɛkɛ bɛsie bɛ kunlu; bɛ nee ye ɛha, anrɛɛ bɛkɛli ɔ nwo ɛzonle.

“Bɛmmabiza bɛ nwo wɔ menli mɔɔ tendɛ nwomenle nloa azo la anzɛɛ nyɛnema ɛkɛ. Bɛmmakpondɛ bɛ bo zo bɔbɔ na evinli aha bɛ; medame a mele Ɛdɛnkɛma bɛ Nyamenle ne a.

Ɔnle kɛ bɛduolua bɛ gɔnwo mɔ akɔme nu bɛkeha awie mɔ anwo edwɛkɛ mɔɔ ɛnle nɔhalɛ la, yɛɛ bɛmmadi daselɛ adalɛ bɛtia bɛ gɔnwo bɛmaa ɔminli ye ngoane. Medame a mele Ɛdɛnkɛma a.