Popular Bible Verses from Ade 20

Share

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la. “Bɛmmasonle nyamenle gyɛne biala kɛ me ngome ala.

“Bɛmmayɛ ananze, anzɛɛ debie biala mɔɔ wɔ anwuma anzɛɛ aze anzɛɛ nzule nu wɔ azɛlɛ bo la sɔhovolɛ. Bɛmmabɔ bɛ ti aze bɛmaa bɛ anzɛɛ bɛmmasonle bɛ. Ɔluakɛ medame Ɛdɛnkɛma bɛ Nyamenle ne, mele nungule Nyamenle. Mefa bɛ ze mɔ ɛtane ne mɔ anwo ndeanlɛ metea bɛdabɛ mɔɔ bɛkpɔ me la toonwo ɔkɔdwu awolɛndoazo nsa ne nee nna ne azo

“Bɛli bɛ ze mɔ nee bɛ nli mɔ eni, amaa bɛ mekɛ awa wɔ azɛlɛ ne mɔɔ medame Ɛdɛnkɛma bɛ Nyamenle ne melɛfa meamaa bɛ la azo.

“Bɛhakye kɛ bɛkɛzie Ɛnwomenlelielɛ Kenle ne nwuanzanwuanza.

“Bɛmmabɔ medame Ɛdɛnkɛma bɛ Nyamenle ne duma mgbane mgbane, ɔluakɛ medame Ɛdɛnkɛma, menrɛmaa mɔɔ bɔ me duma mgbane mgbane la ɛnrɛva ɔ nwo dwɔɔ.

Bɛva kenle nsia bɛyɛ gyima, bɛyɛ bɛ gyima muala, na kenle nsuu ne le Ɛdɛnkɛma bɛ Nyamenle ne Ɛnwomenlelielɛ Kenle; bɛmmayɛ gyima biala, bɛdabɛ anzɛɛ bɛ mra mrenya, anzɛɛ bɛ mra mraalɛ, bɛ sonvolɛ mrenya, anzɛɛ bɛ sonvolɛ mraalɛ, anzɛɛ bɛ nlankɛ, anzɛɛ nyɛvolɛ mɔɔ wɔ bɛ azua ne mɔ azo la.

“Bɛmmamaa bɛ nye bolo bɛ gɔnwo sua nu; bɛmmamaa bɛ nye bolo bɛ gɔnwo aye, anzɛɛ ye sonvolɛ nrenya, anzɛɛ ye sonvolɛ raalɛ, anzɛɛ ye ɛnlankɛ nyinli, anzɛɛ ye asoaso, anzɛɛ bɛ gɔnwo debie biala.”

“Bɛmmadi daselɛ adalɛ bɛtia bɛ gɔnwo.

“Bɛmmafa awuvolɛ.

“Bɛmmaku sonla.

“Bɛmmawua.