Popular Bible Verses from Ade 2

Share

Nyamenle dele bɛ ɛzunlɛ ne na ɔhakyele ye ngyekyeleɛ ne mɔɔ ɔ nee Ebileham, Ayezeke, nee Gyekɔbo kyekyele la. Na Nyamenle nwunle Yizilayɛma tɛnlabelɛ nu, na nyane hanle ye.

Mekɛ ne hɔle bie kpalɛ la Yigyibiti belemgbunli ne wule. Akee Yizilayɛma nwunle amaneɛ kpole kpalɛ wɔ akɛlɛzonlenlɛ nu. Bɛzunle bɛvɛlɛle moalɛ, na bɛ ɛzunlɛ ne dwule Nyamenle anyunlu.

Kakula ne nyinle, ɔ nli vale ye rɛlɛle belemgbunli ara raalɛ ne, na ɔrayɛle ɔ ra. Ɔdonle ye Mosisi, na ɔzele kɛ, “Ɔboalekɛ menyele ye menvile nzule nu.”

Belemgbunli ara raalɛ ne zele ye kɛ, “Fa kakula ɛhye kɔ, kɔli ye adane maa me na mebadua wɔ kakɛ.” Yemɔti raalɛ ne vale kakula ne hɔlile ye adane.

Yigyibiti belemgbunli ne ara raalɛ ne nee ye sonvolɛma hɔle azule ne anu kɛ ɔkabia, ɛnee ye sonvolɛ mraalɛ ne mɔ luolua azule ne anloa. Mɔɔ ɔlɛbia la ɔnwunle kɛ kɛndɛne ne gyi ndɔ ne anu; ɔmanle ye sonvolɛ raalɛ ko hɔvale rale.

Mosisi nyinle la, kenle ko ɔhɔkpɔlale ye menli ne, ɔhɔnleanle gyima ɛsesebɛ mɔɔ bɛlɛyɛ la, na ɔnwunle kɛ Yigyibitinli bie ɛlɛbo ye menli Hibuluma ne mɔ ko. Ɔdole ɔ nye bɛne nee fema na yeannwu awie biala la, ɔhunle Yigyibitinli ne na ɔvunle ye ɔveale ɛnwea ne anu.