Popular Bible Verses from Asomafoɛ 5

Share

Yeɛ Petro ne asomafoɛ ngaa ne buale kyɛ, “Ɔsɛ kyɛ yɛtie Nyameɛ yɛtra kuro sona.

Na alehyeleɛ biala, bɛhɔle asɔneyɛɛ sua ne anu ne awuro awuro mɔ nu bɛyɛle ngyerɛkyerɛ, na bɛhane Yesu nwo nzɛmba kyɛ ye ole Kristo ne.

Na Petro bisale ye kyɛ, “Anania, nzu ati yeɛ ama abɔnzam ate maa walakalaka wɔ maa ali Sunzum Krongron ne ndurum, na afa aseɛ bɔ ɛtɔnene ne sikaa ne bie afea ɔ? Mmerɛ bɔ né ennya ɛttɔnene ye nen, aso né ɔtte wɔ deɛ? Na ɛtɔnene ye yiele ne koso, esikaa ne aso ɔtte wɔ deɛ? Na ɔwale ye sɛ bɔ afa sɔ adwene he ɔ? Nna kuro sona, na Nyameɛ mmom yeɛ ali ye ndurum ɔ.” Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

Yiti bɔ mekã mekyire ɛmɔ ɛhe: Nnɛma ɛmɔyɛ nikye fee betia sɔ mmenia hemɔ; ɛ́mɔyakyi bɛ. Ofikyɛ sɛ bɛ nhyehyɛleɛ he anaa b’adwuma he ofi mmenia berɛ a, ongogyina. Nakoso sɛ ofi Nyameɛ berɛ a, ɛmɔngɔhora bengogu ye, na sɛ ɛmɔannea yé a, Nyameɛ yeɛ ɛmɔkɔho bekotia ye ɔ.”