Popular Bible Verses from ʻO KA ʻEPISETOLE A PAULO KA LUNAʻŌLELO I KO ʻEPESO 6

Share

No ka mea, ʻaʻole kākou e hākōkō ana me ka mea ʻiʻo a me ka mea koko; akā, me nā aliʻi, nā mea ikaika, nā haku o ka pouli o kēia ao, a me nā ʻuhane ʻino o ka lewa.

E pule mau ana i nā pule a pau, a me ka nonoi aku ma ka ʻUhane; a no ia mea hoʻi, e kiaʻi ʻoukou me ka hoʻoikaika mau a me ka pule aku no nā haipule a pau

E ʻaʻahu iho ʻoukou i ke kāhiko a pau a ke Akua, i hiki iā ʻoukou ke kūpaʻa i mua o nā hana maʻalea a ka diabolō.

No ia hoʻi, e lawe ʻoukou i ke kāhiko a pau a ke Akua, i pono iā ʻoukou ke kūpaʻa, ke hiki mai ka lā ʻino; a pau aʻela nā mea i ka hana ʻia, e kūpaʻa ʻoukou.

Ma luna o ia mau mea a pau, e lawe hoʻi i ka ʻaʻahu a poʻo o ka manaʻoʻiʻo, i mea e hiki ai iā ʻoukou ke kinai iho i nā ihe wela a pau o ka mea ʻino. E lawe hoʻi i «ka mahiole o ke ola», a me ka pahi kaua o ka ʻUhane, ʻo ia nō ka ʻōlelo a ke Akua.

E kūpono hoʻi ʻoukou, «i kākoʻo ʻia ko ʻoukou pūhaka i ka ʻoiaʻiʻo», a «pūliki ʻia ʻoukou i ka pale umauma o ka pono»; i hāwele ʻia hoʻi «ko ʻoukou wāwae i ka mākaukau no ka ʻeuanelio e malu ai».

¶ Eia hoʻi, e nā hoahānau oʻu, i ikaika ʻoukou ma ka Haku, a ma ka ikaika o kona mana.

«E hoʻomaikaʻi ʻoe i kou makua kāne a me ka makuahine»; ʻo ke kauoha mua kēia, e pili ana me ka ʻōlelo e pōmaikaʻi ai; «i pōmaikaʻi ai ʻoe, i lōʻihi ai hoʻi kou noho ʻana ma ka honua».

¶ E nā keiki, e hoʻolohe i ko ʻoukou mau mākua no ka Haku; no ka mea, he pono kēia.