Popular Bible Verses from ʻO KA ʻEPISETOLE A PAULO KA LUNAʻŌLELO I KO ʻEPESO 5

Share

¶ No ia hoʻi, e hahai ʻoukou i ke Akua, e like me nā keiki punahele; e haele hoʻi ʻoukou me ke aloha, e like me kā Kristo i aloha mai ai iā kākou, a hāʻawi hoʻi iā ia iho no kākou, i ʻālana a me ka mōhai i ke Akua, i mea ʻala ʻoluʻolu.

¶ No laila, e nānā ʻoukou i hele pono e like me ka poʻe naʻauao, ʻaʻole me ka poʻe naʻaupō, e mālama pono ana i ka manawa; no ka mea, he mau lā ʻino kēia.

Mai noho ʻoukou a ʻona i ka waina, no laila mai ka ʻuhaʻuha; akā, e hoʻopiha ʻia ʻoukou i ka ʻUhane; e ʻōlelo ana kekahi i kekahi i nā halelū, i nā hīmeni, a me nā mele na ka ʻUhane, e hoʻoleʻa ana a e hoʻokani ana i ka Haku, i loko o ko ʻoukou naʻau; no nā mea a pau, e hoʻomaikaʻi mau ana i ke Akua ka Makua, ma ka inoa o ko kākou Haku ʻo Iesū Kristo

No ia mea, mai noho a naʻaupō ʻoukou; akā, e hoʻomaopopo i ka makemake o ka Haku.

E nā kāne, aloha aku i kā ʻoukou mau wāhine, e like me Kristo i aloha mai ai i ka ʻekalesia, a hāʻawi mai iā ia iho nona

No ka mea, he pōʻeleʻele ko ʻoukou ma mua, i nēia manawa hoʻi ua mālamalama ʻoukou i ka Haku; e haele ʻoukou me he kamaliʻi no ka mālamalama lā

e mālama ana i kekahi i kekahi me ka makaʻu i ke Akua.

¶ E nā wāhine, e noho ma lalo o nā kāne ponoʻī a ʻoukou, e like me kā ka Haku.

Akā, e aloha aku kēlā mea kēia mea o ʻoukou a pau i kāna wahine e like me iā ia iho; a ʻo ka wahine, e hoʻomaikaʻi aku ia i kāna kāne.

«No ia hoʻi, e haʻalele ke kanaka i kona makua kāne a me ka makuahine, a e hoʻopili ʻia aku ia i kāna wahine, a e lilo lāua ʻelua i hoʻokahi ʻiʻo».

Mai hoʻolauna pū hoʻi ʻoukou ma nā hana hua ʻole o ka pouli, e hoʻohewa aku naʻe ia mau mea.