Popular Bible Verses from Romabii 6

Share

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

Ejaakɛ esha naŋ nyɛnɔ hewalɛ, ejaakɛ jeee Mla shishi nyɛyɔɔ, shi moŋ dromɔ shishi nyɛyɔɔ.

No hewɔ lɛ, akɛ baptisimɔ ni abaptisi wɔ awo egbele lɛ mli lɛ efu wɔ kɛ lɛ fɛɛ, koni tamɔ bɔ ni atee Kristo shi kɛjɛ gbohii ateŋ yɛ Tsɛ lɛ anunyam naa lɛ, nakai nɔŋŋ kɛ̃ wɔ hu wɔɔnyiɛ yɛ wala hee mli.

ni asaŋ nyɛkɛ nyɛhenii lɛ akahãa esha akɛ esha lɛ tawuunii; shi moŋ nyɛkɛ nyɛhe ahãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni nyɛkɛ nyɛhenii lɛ afea jalɛ tawuunii nyɛhãa Nyɔŋmɔ.

ejaakɛ wɔle enɛ akɛ asɛŋ wɔgbɔmɔ momo lɛ kɛ lɛ, koni esha gbɔmɔtso lɛ hiɛ akpãtã ni wɔkasɔ̃mɔ esha lɛ dɔŋŋ.

Nakai nyɛ hu nyɛbua nyɛhe akɛ mɛi ni egboi yɛ esha gbɛfaŋ ni amɛhiɛ kãmɔ hã Nyɔŋmɔ yɛ Yesu Kristo, wɔNuŋtsɔ lɛ, mli.

Belɛ te wɔɔkɛɛ tɛŋŋ? Aso wɔkã he wɔhi esha lɛ mli, koni dromɔ lɛ afa? Dabida! Wɔ ni esha gbɛfaŋ lɛ wɔtamɔ mɛi ni egboi lɛ, te aaafee tɛŋŋ ni wɔhiɛ aaakãmɔ yɛ emli loloŋ?

Ani nyɛleee akɛ, mɔ ni nyɛkɛ nyɛhe feɔ tsuji nyɛhãa ni nyɛboɔ lɛ toi lɛ, nakai gbɔmɔ lɛ ni nyɛboɔ lɛ toi lɛ tsuji ji nyɛ; esha ni kɛ mɔ yaa gbele mli lɛ tsuji jio, aloo toiboo ni kɛ mɔ yaa jalɛ mli lɛ tsuji jio?

Shi shidaa ahã Nyɔŋmɔ, akɛ kulɛ sa lɛ esha tsuji ji nyɛ, shi agbɛnɛ nyɛjɛ nyɛtsui fiaa mli nyɛbo nɛkɛ tsɔ̃ɔmɔ ni akɛ nyɛ ewo mli nɛɛ toi. Ni akɛni akpɔ̃ nyɛ yɛ esha dɛŋ lɛ, nyɛtsɔ̃mɔ jalɛ tsuji.