Popular Bible Verses from Romabii 5

Share

Shi Nyɔŋmɔ jieɔ lɛ diɛŋtsɛ esuɔmɔ ni ekɛsumɔ wɔ lɛ shi etsɔ̃ɔ, akɛ be mli ni wɔji eshafeelɔi lɛ beebe ni Kristo bagbo yɛ wɔnajiaŋ.

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

Shi jeee enɛ kɛkɛ, shi moŋ wɔnyaa yɛ amanehului amli hu, ejaakɛ wɔle akɛ amanehulu lɛ tsɛɔ hiɛmiamɔ kɛbaa, ni hiɛmiamɔ tsɛɔ su ni sa Nyɔŋmɔ hiɛ kɛbaa; ni su nɛɛ tsɛɔ hiɛnɔkãmɔ kɛbaa

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ. Lɛ enɔ wɔtsɔ̃ ni wɔkɛ hemɔkɛyeli lɛ ena gbɛ hu kɛba dromɔ ni wɔyɔɔ mli nɛɛ mli, ni wɔnyaa yɛ Nyɔŋmɔ anunyam lɛ ni wɔhiɛ kã nɔ lɛ hewɔ.

Ejaakɛ be mli ni wɔhe waaa lɛ beebe Kristo bagbo yɛ be ni sa mli ehã mɛi ni efeee Nyɔŋmɔ suɔmɔnaa nii lɛ.

No hewɔ lɛ, agbɛnɛ ni abu wɔ bem yɛ elá lɛ hewɔ lɛ, aaatsɔ̃ enɔ ahere wɔyiwala kɛjɛ mlifu lɛ mli aahu.

Ejaakɛ tamɔ bɔ ni atsɔ̃ gbɔmɔ kome lɛ toigbele lɛ nɔ ahã mɛi pii tsɔ̃mɔ eshafeelɔi lɛ, nakai nɔŋŋ aaatsɔ̃ mɔ kome lɛ toiboo lɛ nɔ ahã mɛi pii hu atsɔ̃mɔ jalɔi.

Shi jeee no kɛkɛ, shi asaŋ wɔshwãa wɔfɔ̃ɔ Nyɔŋmɔ nɔ hu yɛ wɔNuŋtsɔ Yesu Kristo, mɔ nɔ ni tsɔ̃ ni agbɛnɛ wɔna kpãtãmɔ lɛ hewɔ.