Popular Bible Verses from Markus 16

Share

Trus De bilang dorang, “Kam pigi ke smua tempat di dunia ni, trus kastau Brita Baik ke smua orang.

Orang-orang percaya tu, nanti dong bikin tanda-tanda heran. Dong nanti usir setan-setan pake Sa pu nama, dong nanti bicara bahasa-bahasa yang baru yang dong tra tau. Kalo dong pegang ular ato minum racun, dong trakan kena claka, kalo dong kas taru tangan ke orang yang sakit, orang itu nanti de sembu.”

Sapa yang percaya trus dapa baptis nanti dapa kas slamat, tapi sapa yang tra percaya nanti dapa hukum.

Jadi dong pigi kastau Brita Baik ke smua tempat, trus Tuhan tolong dong lewat tanda-tanda heran untuk kas tunjuk kalo smua yang dong pigi kastau itu benar.]

Tapi laki-laki muda itu de bilang ke dorang, “Jang takut! Kam cari Yesus orang Nazaret yang dapa salib itu to? De su hidup kembali, De su trada disini. Liat! Ini tempat yang dong taru de pu mayat itu.

Tapi pas sampe, dong liat begini batu besar itu su taguling pinda tempat. Trus dong masuk ke dalam kubur begini dong liat laki-laki muda satu pake baju panjang puti duduk di sebla kanan. Jadi dong takut skali.