Popular Bible Verses from Markus 12

Share

Yesus jawab, “Printa yang paling penting itu: ‘Orang Israel dengar ini, Tuhan itu tong pu Allah, Tuhan itu cuma satu. Sayang ko pu Tuhan Allah deng sunggu-sunggu, deng smua ko pu hidup, deng smua yang ko pikir, deng juga smua tenaga.’ Trus printa yang kedua itu: ‘Sayang orang lain sama sperti ko sayang ko pu diri sendiri.’ Trada printa yang lebi penting dari printa dua ini.”

Yesus panggil De pu murid-murid trus bilang ke dorang, “Yang Sa bilang ini benar: Janda miskin ini de kasi lebi banyak dari smua orang yang kas masuk uang ke dalam kotak persembahan. Karna dong smua kasi dong pu persembahan dari dong pu uang yang banyak, tapi janda ini de su kasi smua yang de punya, smua yang de perlu untuk pake hidup.”

Satu kali begini, Yesus duduk baku depan deng kotak persembahan trus pratikan orang-orang dong kasi uang ke dalam kotak itu bagemana. Orang kaya banyak yang kas masuk uang besar. Trus ada janda satu yang miskin datang baru kas masuk uang logam dua yang de pu nilai paling kecil.

Memang harus ‘sayang ko pu Tuhan Allah deng sunggu-sunggu, deng smua yang ko pikir, deng smua tenaga,’ deng juga ‘sayang orang lain sama sperti ko sayang ko pu diri sendiri.’ Bikin printa dua ini lebi penting daripada smua korban persembahan yang dong bakar deng persembahan yang lain juga.”

Trus Yesus bilang sama dorang, “Kalo begitu, kasi sama Raja Besar Roma apa yang jadi Raja Besar Roma pu hak, trus kasi sama Allah apa yang jadi Allah pu hak.” Dong smua heran skali pas dengar apa yang De bilang.