Popular Bible Verses from Markus 10

Share

Karna Sa Anak Manusia juga datang bukan untuk orang layani Sa, tapi untuk layani orang, trus untuk kasi Sa pu hidup ganti banyak orang untuk kas bebas dorang.”

Yesus liat dong baru bilang, “Manusia tra bisa kas slamat de pu diri sendiri, tapi tra begitu untuk Allah, karna apa saja pasti bisa untuk Allah.”

Trus Yesus bilang ke dia, “Ko bisa pigi, karna ko percaya Sa, ko sembu!” Waktu itu juga de bisa liat, trus de ikut jalan sama-sama deng Yesus.

Jadi, apa yang Allah su kas satu, manusia tra bole kas pisa.”

Yesus liat de deng rasa sayang, baru bilang ke dia, “Tinggal satu lagi yang ko blum bikin. Pigi baru jual smua yang ko punya trus kasi itu sama orang-orang miskin, deng bikin begitu ko nanti dapat harta di surga. Habis itu baru ko datang ikut Saya.”

Yesus tanya dia, “Ko mau Sa bikin apa untuk ko?” Orang buta itu jawab, “Guru, sa mau supaya sa bisa liat!”

Tapi kam tra bole begitu. Sapa saja yang mo jadi lebi hebat dari yang lain, de harus layani yang lain.

Yang Sa bilang ini benar: Sapa saja yang tra mo trima Allah pu Krajaan di de pu hidup sperti anak kecil, de tra bisa masuk dalam Allah pu Krajaan.”

Tapi banyak orang yang pertama nanti jadi yang trakir, trus yang trakir nanti jadi yang pertama.”

Tapi dari pertama waktu Allah bikin dunia ini, ‘Allah bikin dong tu laki-laki deng prempuan. Itu jadi laki-laki tra tinggal lagi sama de pu bapa deng mama, tapi hidup satu hati deng de pu istri, biar dong dua jadi satu.’ Jadi dong dua bukan dua orang lagi tapi satu.