Popular Bible Verses from Lukas 3

Share

Waktu smua orang banyak itu su dapa baptis, Yesus juga dapa baptis. Baru De ada doa begini, tiba-tiba langit tabuka, trus Roh Allah De turun ke Yesus bentuk sperti burung merpati di atas Dia. Trus ada suara dari langit, “Ko ini Sa pu Anak yang Sa sayang. Ko bikin Sa pu hati snang.”

Jadi Yohanes jawab deng bilang smua orang dong begini, “Orang yang pu kuasa lebi besar dari saya, De nanti datang, mo buka De pu tali spatu saja sa tra pantas. Sa baptis kam deng air, tapi De nanti baptis kam deng Roh Allah juga deng api.

Kalo memang kam su tobat dari dosa, kas hasil bua yang pantas untuk orang yang su tobat dari dosa. Jang kam pikir dalam hati, ‘Tong slamat karna bapa Abraham tu tong pu nene moyang!’ Dengar eh, Allah bisa bikin anana untuk bapa Abraham dari batu-batu ini!

Kapak su siap mo tebang pohon sampe ke akar-akar, jadi pohon yang tra kas hasil bua yang baik, pasti dapa tebang trus buang ke api.”

Sperti yang tatulis dalam kitab Nabi Yesaya, “Ada suara yang batariak di tempat sepi yang kring, ‘Kas siap jalan untuk Tuhan, kas lurus jalan untuk Dia. Timbun tempat-tempat yang renda, kas rata gunung-gunung deng tempat yang tinggi, kas lurus jalan yang belok-belok, trus kas rata jalan yang batu-batu. Smua orang nanti liat bagemana Allah kas slamat orang-orang! ’ ”