Popular Bible Verses from Lukas 2

Share

Hari ini su lahir di Daud pu kampung Betlehem, Anak satu yang nanti kas slamat kam. De tu Tuhan, Raja Yang Allah Pili.

Trus malaikat bilang dong begini, “Kam jang takut, karna sa mo kastau brita baik ke kam. Brita baik ini nanti bikin smua orang pu hati snang skali.

“Mari tong puji kas tinggi Allah di tempat yang paling tinggi, juga damai di bumi untuk orang-orang yang Tuhan pili.”

Trus Yesus tamba besar deng tamba mngerti smua deng baik, Allah deng manusia tamba snang deng Dia.

Begini De pu tanda: Kam nanti pigi trus liat bayi satu dong bungkus pake kain, baru De tidur dalam binatang pu tempat makan.”

Pas malam itu tra jau dari kampung Betlehem di tempat luas yang ada rumput-rumput, orang-orang jaga dong pu domba. Kaget begini, dekat dong muncul Tuhan pu malaikat satu, baru ada cahaya yang luar biasa dari Tuhan kas trang dorang, baru orang-orang yang jaga domba dong takut skali.