Popular Bible Verses from Santiago 3

Share

Ba'ale' le máaxo'ob yaan le ca'anilbe'en na'at ti'obo' yáax táanile' yaan jun p'éel qui'ilich cuxtal ti'ob; cu dzo'ocole' yaan suuc óolal ti'ob; utz u pucsi'ikalo'ob yéetel toj u tuuculo'ob. Cu ch'a'ico'ob óotzilil yéetel cu beetico'ob utz; cu ya'alico'ob ba'al jaaj yéetel mina'an ca'a p'éel ichil ti'ob.

¿Yaan wa máax ichile'ex yaan u na'at bey xan kaj óolal? U ye'es yéetel u ma'alob cuxtale' u utzil meyajo'ob yéetel le cabal óolal cu dza'abal ti' tumen le na'ato'.

Yéetel le máaxo'ob cu táan ¿ooltico'ob u yantal jéedzelo', cu paakalo'ob ich jéedzel u ti'al u jochico'ob jun p'éel toj cuxtal.

Tumen tu'ux yaan loolob dzíibolalo'ob yéetel ba'atelile', ti' yaan xan xa'axa'ak óolal yéetel tuláacal u jejeláasil kaasi'.

Yéetel le aaka' c qui'iqui' t'antic c Yuumtzil c Taata, yéetel leti' xane' c kaakas t'aantic máaco'ob beeta'ano'ob je'el bix u chica'anil Kue'. Ti' jun p'éelili' chi' cu jóokol qui'iqui' t'aano'ob yéetel kaakas t'aano'ob. In suucu'une'ex, lela' ma' unaj u yúuchul beyo'.

U yaak wíinique' jun p'éel káak, jun p'éel yóokolcaab chuup yéetel kaas dza'an ti' c wíinclil, cu kascuntic tuláacal u wíinclil máac.

Ba'ale' mix máac cu páajtal u suucbesic u yaak tumen jun p'éel kaas ma' táan u cha'ic comquinta'al, chuup xan yéetel u kaab yaach cu quiimsaj.

In sucu'une'ec, ma' unaj u yantal ichile'ex ya'ab ca u betajuba'ob j ca'anbesajo'obi', tumen a wojele'exe' le máaxo'on ca'anbesajo' asab ya'ab bíin p'is óolta'aco'on.