Popular Bible Verses from Santiago 2

Share

Bey u yúuchul yéetel le ocsaj óolalo'; wa ma' tu ye'esa'al yéetel utzil meyajo'obe', le ocsaj óolalo' quimen.

Bey je'el bix le wíinclil x ma' pixanil quimeno', bey xan le ocsaj óolalo' wa ma' tu ye'esa'al yéetel utzil meyajo'obe' quimen u yanil.

In sucu'une'ex, ¿ba'ax u biilal ti' máac wa cu ya'alic yaan ocsaj óolal ti' ba'ale' ma' táan u beetic utzil meyajo'ob? ¿Je'el wa u páajtal u to'ocol tumen le ocsaj óolalo'?

Teche' ca wocsaj óoltic yaan chéen jun túulili' Ku, ma'alob ba'ax ca beetic; ba'ale' le kaakas pixano'obo' cu yocsaj óoltico'ob lela', yéetel cu quiquilanquilo'ob tu yo'olal u sajaquilo'ob.

Ba'ale' je'el u yúuchul u ya'alic wa máaxe': Teche' yaan teech ocsaj óolal, tene' quin beetic utzil meyajo'ob. E'es teen túun a wocsaj óolal x ma' utzil meyajo'obe' teen túune' quin we'esic teech in wocsaj óolal tu yo'olal le utzil meyajo'ob quin beetico'.

Tumen le máaxo'ob ma' teech u ch'a'ico'ob óotzililo', x ma' ch'a'a óotzilil bíin p'is óolta'aco'ob; ba'ale' le máaxo'ob cu ch'a'ico'ob óotzililo', bíin jóokoco'ob yéetel utz tu kiinil le p'is óolo'.

Dzo'oc a wilique'ex, túun, Kue' cu kamic máac tac tu yo'olal le utzil meyajo'ob cu beetico', ma' chéen tu yo'olal u yocsaj óolali'.

Ca wilique' ti' Abrahame' le ocsaj óolalo' tu ye'esajubáa yéetel le ba'ax tu beetajo'.