Popular Bible Verses from Éxodo 9

Share

Ba'ale' tin p'ataj a cuxtal yo'olal a wilic in páajtalil, yéetel u ti'al in dzáiquimbáa kaj óoltbil ti' tuláacal lu'um.

Yuumtzil túune' tu ya'alaj ti' Moisés: Xeen a wila'a' faraone' ca a wa'al ti': Bey cu ya'alic Yuumtzil u Ku le j hebreoba': Cha'a u bin in caajal u ti'al u kulten.

Tene' páatchaj ca'ach in we'esic teech in páajtalil u ti'al in jadziquech pa'ate'e' yéetel a caajal ich jun p'éel j báan quíimil, bejela'a' dzo'oc ca'ach a sa'atal way yóok lu'ume'

Yuumtzile' bíin u láal u páajtalil tu yóokol a wacaxo'ob yaan te j káaxo', yéetel talam koja'anilo'ob. Bíin quíimic a tzíimino'ob, a burro'ob, a camello'ob, a wacaxo'ob yéetel a j tamano'ob. Ba'ale' Yuumtzile', bíin u ye'es máacalmáac u wacaxo'ob le israelitaobo', bey xan máacalmac u ti'al le j egipciobo', tumen ma' bíin quíimic mix jun túul u wacax le j israelitaobo'.

¡Ma'alob beyo'! Walquil sáamala' bíin in beet u káaxal ka'ancach bat je'el bix mix jun téen ila'an u káaxal tuláacal u kiinilo'ob Egiptoo'. Let o'olale' túuchi'it ca dza'abac ti' ma'alob cúuchil a wacax yéetel tuláacal ba'ax yaan teech te j káaxo', tumen le bat bíin káaxaco' yaan u quíimsic tuláacal le máaco'ob yéetel le ba'alche'ob mina'ano'ob yáanal naje'.

Le ta'ano', bíin suunac u ma'ay lu'um u ti'al ki'itpajal yóokol tuláacal u lu'umil Egipto u beet u noj yajtal u wíinclil tuláacal u máaquilo'ob yéetel u ba'alche'ilo'ob Egipto. Moisés yéetel Aarone', tu ch'a'ajo'ob u ta'anil káakil le chujcabo' ca j bino'ob u yilo'ob faraón. Te'elo' Moisese' tu pulaj u ta'anil u káakil chujcab ca'anal tu táan faraone', ca j buul yajchaj u wíinclil máaco'ob bey xan le ba'alche'obo'.